ππ‘π€πˆπŒπˆππˆπ’πˆπ“π‘π€ : ππ€ππƒπ‘π€π˜ πˆπ‘π„πŽ πˆπ‘π€πŠπ€ πŒπ€ππŽπŠπ€ππ€ π€π•π˜ π€πŒπˆπβ€™ππ˜ π•πŽππƒπ‘πŽππ€ π€π…π‘πˆπŠπ€ππˆππ€

π‘³π’‚π’‘π’‚π’β€™π’Š π‘΄π’‚π’‰π’‚π’›π’π’‚π’“π’Šπ’—π’
[𝑭𝒂𝒉𝒂-30 π’‹π’‚π’π’π’‚π’“π’š 2026]
πŸ‘ŒNanasongadina ny fahatsapany ny asa mivaingana nataon’ny fitondram-panjakana malagasy sy ny governemanta manontolo tao anatin’izay telo volana niasany izay ny iraky ny Vondrona Afrikanina notarihin’ Andriamatoa Mohamed Idriss Farah, nandritra ny fitsidihana ara-pomba fanajana ny Praiminisitra, Lehiben’ny Governemanta, Rajaonarivelo Herintsalama Andriamasy, notontosain’izy ireo teto amin’ny Lapam-panjakana Mahazoarivo, izao hariva izao.
πŸ“ŒSamy nanamafy ny roa tonta fa ilain’ny firenena malagasy ny fitoniana, ary nandritra ny fifanakalozana natao dia naneho fahavononana ny Vondrona Afrikanina amin’ny hanohana ny fanatontosana ny fikaonandoham-pirenena izay handraisan’ny rehetra anjara, sy ny fanomanana ny fifidianana hotanterahina eto Madagasikara amin’ny taona 2027.
πŸ”΅Nanambara ny Praiminisitra fa misokatra hatrany amin’ny fifandraisana ara-diplaomatika i Madagasikara, hanohizana sy hanamafisana ny fiaraha-miasa iraisampirenena, hikatsahana ny tombontsoan’ny vahoaka Malagasy sy hitondrana fampandrosoana maharitra ho an’ny firenena.
𝐍𝐲 π’πžπ«πšπ¬πžπ«πš