Ho tohin’ny fitsidihana ofisialy notanterahan’ny Filohan’ny Fanavaozana, ny Kolonely 𝐑𝐀𝐍𝐃𝐑𝐈𝐀𝐍𝐈𝐑𝐈𝐍𝐀 𝐌𝐢𝐜𝐤𝐚𝐞̈𝐥 tany Afrika Atsimo tamin’ny volana janoary lasa teo dia tonga nitsidika ara-pomba fanajana ny Minisi-panjakana eo anivon’ny Fiadidiana ny Fanavaozana ny Repoblika, 𝐌𝐞 𝐇𝐚𝐧𝐢𝐭𝐫𝐚 𝐑𝐀𝐙𝐀𝐅𝐈𝐌𝐀𝐍𝐀𝐍𝐓𝐒𝐎𝐀, ny ambasadaorin’i Afrika Atsimo miasa eto Madagasikara.

Noresahina nandritry ny fihaonan’ny roa tonta ireo dingana entina manatanteraka ny

Fikaonandoham-pirenena sy ny tanjona ho tratrarina ao anatin’izany dia ny fametrahana ny Repoblika faha 5.

Nanamafy hatrany moa ny Minisi-panjakana fa fifampidinihina eo amin’ny samy Malagasy no hitondrana ny fikaonandoham-pirenena.

Hanome fanampiana ny fitondram-panjakana amin’ny fanatanterahana izany dinika nasionaly izany i Afrika Atsimo.

Nosoritiny ihany koa fa zava-dehibe ny fiaraha-miasa amin’ i Afrika Atsimo amin’izao vanim-potoana ny Fanavaozana izao noho izy efa niaina ny “Fifamelana lehibe” izay notarihin’ny Filoha Nelson Mandela.

Afaka hisintonana lesona izany.

Tsy afa misaraka amin’ny fikarakarana ny Fikaonandoham-pirenena ny fikarakarana ny fifidianana hatao amin’ny taona 2027 koa noresahina ihany koa ny mahakasika ny fanavaozana ny lisi-pifidianana izay hanomboka amin’ity taona 2026 ity.