Nandritra ny tolakandron’ny sabotsy 28 Febroary no nampahafantarin’ny Minisi-panjakana Me Hanitra Razafimanantsoa tamin’ireo mpikambana anatin’ny delegasionan’ny SADC ny antontankevitra fampahafantarana ny dingana efa vita sy ny tetiandro ho an’ny Fikaonandoham-pirenena hitondra ho any amin’ny Repoblika faha-5. Izany dia mifanindran-dàlana amin’izay voarakitra ao anatin’ny « Fandaharan’asan’ny fanavaozana » izay navoakan’ny filohan’ny Fanavaozana ny Repoblika.

Tsy fifanarahana ara-politika no hatao fa fametrahana fomba « mampiaty » hampandraisana anjara ny olona rehetra amin’ny sehatra maro isan-karazany.

Ny hevi-dehibe rehetra hitondra ho amin’ny Fanavaozana dia hatao teny hierana amin’ny olom-pirenena rehetra mandritra ny fikaonandoham-pirenena hoy ny Minisi-panjakana.

Etsy ankilany, ny delegasiona avy ao amin’ny SADC dia nanamafy fa tsy hibaiko ny fanjakana malagasy no anton-diany fa hanohana sy hanome tànana amin’izay dingana holalovana.

Haharitra herinandro ity iraka avy ao amin’ny SADC ity ary mbola hiverina izy ireo ny volana Mai 2026.

Nanatrika ity fotoana ity ihany koa ny mpandrindra ankapobeny lefitry ny « Conseil consultatif »

#Fifanajana#FiarahaMientana#Finiavana

#mepcr#fikaonandohampirenena#Fanavaozana