Tanjon’ity atrikasa androany ity araka ny nambaran’ny Sekretera Jeneralin’ny Minisiteran’ny Toekarena sy ny Fitantanam-bola Iouri Garisse Razafindrakoto, dia hidinika miaraka momban’ny hetaheta, fangatahany sy fitakiana avy amin’ireo sehatra tsy miankina.

Nandray anjara tanatin’ity fotoana ity ny solontena avy amin’ny Minisiteram-panjakana eo anivon’ny Fiadidiana ny Fanavaozana.

Mandritry ny atrikasa dia ho fakafakaina ireo tolo-kevitra rehetra ary hametraka ny fanamarihana ihany koa ny avy amin’ny sehatra ara-panjakana .

Hojerena araka izany ny vahaolana hahafahan’ny sehatra tsy miankina mamokatra misimisy kokoa ary hampitombo ny famoronana asa.

Apetraka ihany koa ny resaka fifampitokisana raha toa ka somary verivery izany teo aloha. Izany rehetra izany tsy natao ho zavatra handalo fotsiny fa ezahina haharitra.

Maneho ny finiavany hampandroso ihany koa ny fanjakana ka tsy ho resaka fotsiny fa tena misy lalan-kizorana mazava, entina eo amin’ny sehatra rehetra.

Raha tsiahivina dia manana tanjona ny hamoahana fifanekena nasionaly miaraka amin’ny fifanarahana amin’ny asa vita, tetiandro mazava sy rafi-pitantanana ary fanaraha-maso ny dinika rehetra notanterahina ao anatin’ny fanaingana ny toe-karena.

Kendrena ny hanavao ireo fifanarahana ara-toekarena eo amin’ny fanjakana sy sehatra tsy miankina ao anatin’ny fohy ezaka amin’ity taona 2026 ity.

Tohin’ny fanokafana tamin’ny fomba ofisialy ny Fikaonandoha nasionaly ho an’ny fanaingana ny toe-karena tamin’ny 19 janoary sy ireo dinika natao tany amin’ny faritra ity atrik’asa ity.

MEF

#mepcr#fikaonandohampirenena#Fanavaozana

Fifanajana,Fiaraha-mientana,Finiavana