Ny Praiminisitra,lehiben’ny governemanta , Herintsalama Rajaonarivelo no nisolo tena ny fanjakana malagasy nandray ny taratasim-bola avy amin’ny African Risk Capacity ho fanonerana ny simba taorian’ny fandalovan’ny rivo-doza Fytia sy Gezani.

Nanatrika io fotoana io ihany koa ny Minisi-panjakana eo anivon’ny Fiadidiana ny fanavaozana ny Repoblika Me Hanitra Razafimanantsoa sy mpikambana vitsivitsy eo anivon’ny governemanta

$ Mitentina 5,6 tapitrisa dolara ity fanonerana ity ary entina hanarenana tobim-pitsaboana,efitrano fianarana, hanarenana ny simba rehetra, ary hanampiana ireo fianakaviana marefo

$ 3,2 tapitrisa dolara kosa no atolotra ny Fandaharanasan’ny Firenena Mikambana momba ny sakafo (PAM) sy ny fikambanana Start Network

Governemanta mitolona (gouvernement de combat), miasa, tsy mipetrapetra-poana ny governemantan’ny fanavaozana hoy ny Praiminisitra ary mahay miaro ny vahoakany.

Mihavao ny toe-tsaina, ny fomba fiasa ary ny fomba fitantanana

Ny African Risk Capacity dia rafitra fiantohana iombonan’ny firenena afrikanina hiatrehana loza voajanahary. Ny tanjon’ny ARC dia ny hanampy ny firenena afrikanina hahazo vola haingana rehefa misy loza.

Koa satria i Madagasikara dia nandoa saram-piantohana ho an’ny haintany, ny rivodoza ary ny tondra-drano dia nahazo ity vola fanonerana natolotra androany ity.

Ny Banky afrikana ho an’ny fampandrosoana na BAD dia mpiara-miombon’antoka ara-bola sy ara-teknika amin’ny ARC, manampy amin’ny fanamafisana ny rafitra fiantohana ho an’ny firenena afrikanina rehefa misy loza voajanahary tahaka izay niseho teto Madagasikara.

#fifanajana#fiarahamientana#finiavana

#mepcr#fanavaozana