Jakoba 1:27 « Izao no fivavahana madio sady tsy misy loto eo anatrehan’Andriamanitra Ray: ny mamangy ny kamboty sy ny mpitondratena amin’ny fahoriany, sy ny miaro ny tena tsy hisy pentimpentina avy amin’izao tontolo izao ».

Tonga nitondra ny teny fampiononana ho an’ny fianakavian’i RAZAFIMANANTANY Faniry, mpanao gazety mpamakafaka sady mpitolona ho amin’ny fahafahan’i Madagasikara, teny amin’ny trano fonenany eny Ambohimangakely ny solotenan’ny mpiara-miasa ato amin’ny Minisiteram-panjakana eo anivon’ny Fiadidiana ny Fanavaozana ny Repoblika notarihin’i Me Hanitra Razafimanantsoa.