MEPCR
Ministère d'État auprès de la Présidence en Charge de la Refondation
MEPCR
Ministère d'État auprès de la Présidence en Charge de la Refondation
FILAZANA MANOKANA MOMBA NY RIVODOZA | 10 Febroary 2026 – 04 ora hariva
Tamin’ny 03 ora tolakandro teo dia tany amin’ny 89 km atsinanan’i Toamasina no nisy ny foiben’i GEZANI. Nitombo hery ka lasa rivodoza mahery vaika izy. Niakatra ho 185 km/ora ny rivotra miaraka aminy, izay arahina tafiotra 260 km/ora manakaiky ny foibeny. Nikisaka niakandrefana izy ka nahafaka 18 km/ora. Andrasana ny fidirany an-tanety ao amin’ny distrikan’i Toamasina II, manomboka amin’ny 06 ora hariva.
Efa mipaka amin’ny faritra Atsinanana sy Analanjirofo ny rindrin-drahona mialoha azy. Hihamafy hatrany ny rivotra manomboka eto ary hijojo ihany koa ny orana. Ahiana araka izany ny tondradrano, ny fiakaran’ny renirano sy ny fihotsahan’ny tany
Ho fisorohana ny fidirana amin’ny filazana miloko mena amin’ny alina dia miova toy izao ny filazana loza mikasika ny rivodoza :
Loza mitatao miloko mena : Analanjirofo, Atsinanana, Alaotra Mangoro, Analamanga ary Betsiboka ;
Loza manambana miloko mavo : Ambatosoa, Bongolava, Itasy, Vakinankaratra, Melaky, Menabe, Mandritsara ary Befandriana Avaratra ;
Foana ny filazana loza : Andapa sy Antalaha
Hamakivaky ny faritry ny afovoan-tany izy anio alina sy rahampitso, ary vinavinaina hivoaka any amin’ny lakandranon’i Mozambika, eo anelanelan’ny Maintirano sy Morondava rahampitso alina. Efa manomboka mikasika ny faritra afovoany atsinanan’ny Nosy iny ny rahona mialoha azy.
Iangaviana ny mpampiasa ranomasina eo anelanelan’ny Vohemar sy Mahanoro mba tsy hiandriaka satria mikorontana ny toetry ny andro. Toy izany koa ny eo anelanelan’ny Besalampy sy Morombe manomboka rahampitso maraina.
Entanina ny rehetra mba hanaraka ny toro-marika omen’ny manam-pahefana isan-tokony.Loharanom-baovao: Foibe famantarana ny toetry ny andro.
Météo MadagascarMinistère des Transports et de la Météorologie de Madagascar