Niditra an-tanety tamin’ny 07 ora sy sasany teo, tao Toamasina ilay rivodoza mahery vaika GEZANI. 180 km/ora ny rivotra miaraka aminy, izay arahina tafiotra 250 km/ora manakaiky ny foibeny. Nikisaka niakandrefana izy ka nahafaka 16 km/ora.

Haharitra mandritra ny adiny iray eo ho eo ny fitoniana mandritra ny fandalova’i ivony.Aorian’izay dia hiverina hisafotofoto indray ny rivotra ary hijojo ny orana.

Tsy misy fiovana ny filazana loza mikasika ny rivodoza :

Loza mitatao miloko mena : Analanjirofo, Atsinanana, Alaotra Mangoro, Analamanga ary Betsiboka ;

Loza manambana miloko mavo : Ambatosoa, Bongolava, Itasy, Vakinankaratra, Melaky, Menabe, Mandritsara ary Befandriana Avaratra ;

Foana ny filazana loza : Andapa sy Antalaha

Hamakivaky ny faritry ny afovoan-tany izy anio alina sy rahampitso, ary vinavinaina hivoaka any amin’ny lakandranon’i Mozambika, eo anelanelan’ny Maintirano sy Morondava rahampitso alina.

Iangaviana ny mpampiasa ranomasina eo anelanelan’ny Vohemar sy Mahanoro mba tsy hiandriaka satria mikorontana ny toetry ny andro. Toy izany koa ny eo anelanelan’ny Besalampy sy Morombe manomboka rahampitso maraina..

Entanina ny rehetra mba hanaraka ny toro-marika omen’ny manam-pahefana isan-tokony.

Loharanom-baovao: Foibe Famantarana ny toetry ny andro

Météo Madagascar

Ministère des Transports et de la Météorologie de Madagascar