🗓️06 Martsa 2026
✅Ny fokontany Ankazomasina, kaominina Merimandroso , distrikan’ Ambohidratrimo faritra Analamanga no nanombohan’ny Minisiteram-panjakana eo anivon’ny Fiadidiana ny Fanavaozana ny Repoblika ny fisedrana ny fomba fiasa eny ifotony ho enti-manatanteraka ny fikaonandoham-pirenena androany.
👉Niara-nisalahy tamin’izany ny tompon’andraikitry ny kaominina, sy ny fokontany notronin’ireo mpisehatra ifotony avy amin’ny firaisamonim-pirenena sy ny tanora.
👉Santatra izao fomba fiasa mivelatra sy mampiaty izao ary hanomezana lanja ny traikefa anananan’ny mpisehatra rehetra any amin’ny toerana izay tena ifantohan’ny asa.
👉Tsy miainga amina raikipohy ny fomba fiasa fa fiarahana mikaroka izay sahaza sy indrindra indrindra mifanaraka amin’ny zava-misy eny ifotony amin’ny faritra rehetra eto madagasikara.
🎯Tanjona ny hahafahana manitsy sy manatsara ny fomba fiasa mba ahazoana vokatra azo antoka amin’ny fotoana hanatanterahana ny fikaonandoha araka ny tetiandro.
👥Nahatratra 290 ny mpandray anjara. Avy amin’ny vohitra efatra ao amin’ny Fokontany Ankazomasina : Ambohimasina, Ankazomasina, Antsahalemaka, Fiadanana ary Andranovelona.
✅Mbola hitohy izao fomba fiasa izao .