Ho fanohanana ireo traboina vokatry ny fandalovan’ny rivo-doza Fytia dia tonga mitondra izay voatsirambin’ny tànana ny governemanta notarihan’ ny Minisi-panjakana, Me Hanitra Razafimanantsoa Minisitra mpitarika eto Antananarivo miaraka amin’ny Minisitry ny Fambolena sy ny Fiompiana ary, ny Minisitry ny Fampiroboroboana ny Haitao Ara-kajy Mirindra, ny Paositra sy ny Fifandraisan-davitra ary ny solontenan’ny Minisitry ny Fahasalamam-bahoaka sy solontenan’ny ny Minisitry ny Fampianarana ara -tekinika sy ny Fampiofanana Ara-kasa,

Ho an’ny eto amin’ny toerana fandraisana ireo traboina eto Morarano Alarobia, boriborintany faha dimy dia olona 333 no nisitraka fanampiana toy ny vary, menaka sy voamaina.

Ao anatin’izao voina izao dia miombom-po ary mampahery ireo niharam-boina manerana ny Nosy ny Minisi-panjakana Me Hanitra Razafimanantsoa ary manentana ny rehetra hiara-hientana sy hifanampy ary hifanome tànana ihany koa izy.

Hiarahana amin’ny lehiben’ny Faritra Analamanga vonjimaika, ny Kaominina Antananarivo Renivohitra (CUA), Birao Nasioaly misahana ny loza sy ny tandidon-doza (BNGRC) ary ny Ofisy nasionaly ho an’ny fanjarian-tsakafo (ONN) izao hetsika izao.